// قصيدة بالوتس أب :) … جتني بالوتس أب //
قصيـــدة زوجه رافضه بتأتا بأن يكون لزوجها واتس اب من غيرتها الشديده له فقــالت:
والله وأنا بنت الرجال المشاكيل ،،،،،،
ماتحط الواتس اب ياعبيد عندي….
ماني مثل باقي الحريم المهابيل ،،،،،،
رجالــــها لآراح مــرواح جدي…..
(بو ليــت) ماعذرب كثير الرياجيل ،،،،
ألو تكفي كان تبغى مـــردي…..
ماتنفع المــوضه وكثر الأقاويل ،،،،،
وش فادة الموضه جدك وجدي….
ياعبيد ذي والله سوات المهابيل ،،،،،
وان مانفع قولي طلاقي بيدي…..
والله وانا بنت الرجال المشاكيل ،،،،،
ماتشغل الواتس اب ياعبيد عندي….
رد الزوج عبيد على زوجته:
والله وأنا عبيد راعي المعاميل ،،،،
لانزل الواتس اب وانتي بحدي….
ماهمني وان قيل عنا مهابيل ،،،،
هذا تطور وانتي يابنت هدي….
بوليت ماضي وال apple طور الجيل ،،،،
امشي مع الاي فون كني افندي…..
دايم يونسني مع تالي الليل ،،،،
وقصر علي صوته وجيبه لخدي….
لاصرت جالس والبشر دمها ثقيل ،،،،
عودت للي يوم ما صار ضدي….
اضحك معه ويجر عندي مواويل ،،،،
ويوصل الاخبار لحد عندي….
تطوري ودشي مع تالي الجيل ،،،،
وخلي السوالف لا تزيد التحدي.
